काठमाडौँ । शिर्ष साना किसान कृषि सहकारी संस्थाबाट ११ लाख रुपैयाँ चोरी भएको छ । डडेल्धुराको परशुराम नगरपालिका–४ कटालमा रहेको उक्त सहकारीबाट ११ लाख १३ हजार रुपैयाँ चोरी भएको हो ।

शुक्रबारदेखि बन्द रहेको सहकारीको कार्यालय आइतबार खोल्दा मात्रै कर्मचारीले सहकारीमा चोरी भएको थाहा पाएका थिए । त्यसलगत्तै उनीहरुले प्रहरीमा खबर गरेका हुन् ।

प्रहरीका अनुसार उक्त सहकारीमा झ्याल फोडेर चोरी भएको हो । सहकारीको झ्याल फोडेर चोरी गरेकाहरुले सहकारीमा भएको सिसीटिभी क्यामेराको रेकर्ड डिभाइस पनि चोरी गरेको प्रहरीले जनाएको छ । हाल चोरीमा संलग्नहरुको खोजीकार्य भइरहेको प्रहरीको भनाई छ ।