काठमाडौँ । नेपाल चार्टर्ड एकाउन्टेन्ट्स संघ (एक्यान) को निर्वाचनमा सदस्यहरुले उठाएको छानविन समितिको मागको अन्तत: सम्बोधन भएको छ । एक्यानका पूर्व अध्यक्ष दीपक पाण्डे र नवनिर्वाचित अध्यक्ष अरुण राउत दुबैले छानविन समिति बनाउन एक्यान तयार भएको पुष्टी गरेका हुन् ।

‘पूर्व अध्यक्ष, अहिलेको कार्य समिति र विषय उठान गरेकामध्येबाट एक जनासमेत राखेर छानविन समिति गठन गर्ने निर्णय भएको छ ।’ एक्यानका पूर्व अध्यक्ष पाण्डेले भने, ‘अव छानविन समितिले यो केस टुंग्याउँछ ।’

संघको सपथ कार्यक्रममा बोल्दै नवनिर्वाचित अध्यक्ष अरुण राउतले पनि एक्यानमा देखिएका समस्याबारे संघ गम्भीर रहेको र कमजोरीहरु सच्याउँदै अगाडी बढ्ने प्रतिबद्धतासमेत जनाए ।