">
काठमाडौं। नेपाल पुनर्बीमा कम्पनीको प्रमुख कार्यकारी अधिकृत (सीईओ) मा सुरेन्द्र थापा नियुक्त हुने भएका छन्। जेठ १२ गते शनिबार बसेको संचालक समितिको बैठकले थापालाई सीईओमा नियुक्त गर्ने निर्णय गरेको हो ।
सीईओ पदका लागि दरखास्त आवेदन दिएका मध्येबाट दामोदर भण्डारी, नारायणकुमार भट्टराई, बुद्धकाजी श्रेष्ठ, श्रीमान कार्की र सुरेन्द्र थापा सर्टलिस्टमा परेका थिए । उनीहरुको शुक्रबार अन्तरवार्ता भएको थियो ।
नेपाल बीमा प्राधिकरणले सीईओ नियुक्तिका लागि स्वीकृति प्रदान गरेपछि थापा सीईओमा नियुक्त हुनेछन्। थापालाई ४ बर्षका लागि सीईओ नियुक्ती गर्न लागिएको हो ।
थापा यसअघि तत्कालीन अजोड इन्स्योरेन्समा नायब प्रमुख कार्यकारी अधिकृत थिए ।
