×

Live on

रेडियो अर्थ सरोकार

Listen to live radio.

प्राइम सहकारी ठगी आरोपमा तीन जना पक्राउ 

GLOBAL IME BANK
KAMANA SEWA BIKAS BANK

प्राइम सहकारी ठगी आरोपमा तीन जना पक्राउ 

७ असार २०८१, शुक्रबार

पढ्न लाग्ने समय: १ मिनेटभन्दा कम

काठमाडौँ । प्राइम बहुउद्देश्यीय सहकारी संस्थाको सम्पत्ति हिनामिना प्रकरणमा तीनजना पक्राउ परेका छन् । पोखरा महानगरपालिका-४ गैह्रापाटनस्थित प्राइम सहकारीको सम्पत्ति हिनामिना गरेर फरार रहेका तीन जना पक्राउ परेका हुन् । 

पक्राउ पर्नेमा पर्वतको मोदी गाउँपालिका स्थायी घर भई पोखरा बस्ने ५५ वर्षीया धनकुमारी गुरुङ, ४७ वर्षीया सीताकुमारी गुरुङ र पोखरा महानगरपालिका-३ तेर्सापट्टी बस्ने ४७ वर्षी जीवन सार्की रहेका छन् ।

पक्राउ परेका तीनैजनालाई प्रहरीले जिल्ला अदालत कास्कीमा बुझाएको छ । उक्त सहकारी ठगी प्रकरणमा पक्राउ परेका ७ जनालाई यसअघि नै पुर्पक्षका लागि कारागार चलान गरिएको छ । 

सहकारीका बचतकर्ताले दिएको उजुरीका आधारमा ६६ जनालाई प्रतिवादी बनाएर जेठ २७ गते अदालतमा मुद्दा दायर गरिएको थियो । उक्त सहकारी ठगीमा सरकारी वकिल कार्यालयले १ अर्ब ५७ करोड बिगो माग दाबी गरेको छ । 

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: