">
काठमाडौं । अर्थ सरोकार डटकमका प्रधान सम्पादक सुरज प्याकुरेल ‘इकोनोमिक जर्नालिस्ट अफ दी एयर’ तथा सगरमाथा आर्थिक पत्रकारिता अवार्डबाट सम्मानित भएका छन् । थाइल्याण्डको बैङ्ककस्थित होटल सिजन्समा अर्थ नेपालले आयोजना गरेको एक विशेष कार्यक्रमकाबीच सम्पादक प्याकुरेललाई सो अवार्ड हस्तान्तरण गरिएको हो ।
अर्थ सरोकार डटकमका सञ्चालकसमेत रहेका प्याकुरेल विगत एक दशकदेखि आर्थिक पत्रकारितामा सक्रिय छन् । देशप्रेम साप्ताहिकबाट पत्रकारिता यात्राको सुरुवात गरेका प्याकुरेलसँग रेडियो, टेलिभिजन, र अनलाइन पत्रकारिताको लामो अनुभव छ ।
पछिल्लो समय सेयर बजारका लगानीकर्तामाझ उनका टेलिभिजन कार्यक्रमहरू बढी लोकप्रिय छन् ।
अवार्ड प्राप्त गरेसँगै प्याकुरेलले अवार्ड दिने आयोजकप्रति आभार व्यक्त गरेका छन् । उनले सो अवार्डले आफूलाई थप जिम्मेवारबोध गराएको समेत बताएका छन् ।
