काठमाडौँ । बुक बिल्डिङ विधिमार्फत आईपीओ निष्कासन गर्न लागेको रिलायन्स स्पिनिङ मिल्सको विषय अर्थ समितिको बैठकमा पनि उठेको छ । बैठकमा नेपाली कांग्रेसका सांसद दीपक खड्काले कम्पनीको आईपीओको विषयमा प्रश्न उठाएका हुन् ।
उनले धितोपत्र बोर्डमार्फत सबै कम्पनीको आईपीओ रोकिएका बेला रिलायन्स स्पिनिङ मिल्सले मात्रै आईपीओ निष्कासनको अनुमति कसरी पायो भन्दै प्रश्न उठाएका छन् ।
‘६ महिनादेखि आईपीओहरु निकाल्न बन्द गरिएको छ ।’, रिलायन्स स्पिनिङ मिल्सलाई इंकित गर्दै सांसद खड्काले भने, ‘तर, कुनै अमुख कम्पनीको ८ सय २० रुपैयाँभन्दा माथि प्रिमियम दरमा आईपीओ जारी हुँदैछ । अरुलाई चाहिँ अहिले खोल्न मिल्दैन भनिन्छ ।’
त्यस्तै, सांसद खड्काले कम्पनीको वित्तीय अवस्थाले पनि कम्पनीले जारी गर्न लागेको आईपीओको मूल्यको औचित्य पुष्टि नहुने पनि बैठकमा उल्लेख गरेका छन् ।
