काठमाडौं । साताको कारोबारको पहिलो दिन आइतबार सेयर बजार मापक नेप्से परिसूचक बढेको छ । कारोबारको अघिल्लो दिनको तुलनामा नेप्से ११३.४२ अंकले बढेर २६८१.५६ बिन्दुमा पुगेको हो ।
नेप्सेमा कुल ३ सय १८ कम्पनीको ४ करोड ३ लाख १४ हजार ५ सय १७ कित्ता सेयर खरिदबिक्री हुँदा १५ अर्बमाथिको सेयर कारोबार भएको छ ।
आइतबार सबैभन्दा बढी कारोबार कुमारी बैंक लिमिटेडको भएको छ । यस कम्पनीको ३६ करोड १० लाख ८ सय ९८ रुपैयाँ ४० पैसा बराबरको सेयर कारोबार भएको छ ।
आजको बजारमा सबैभन्दा बढी नाफा नेपाल इन्भेस्टमेन्ट मेगा बैंक लिमिटेडका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
यसैगरी आज गणपति लघुवित्त वित्तीय संस्थाका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य ९ प्रतिशत भन्दा धेरैले घटेको हो ।
