काठमाडौँ । कैलालीमा तीन सहकारीका अध्यक्ष पक्राउ परेका छन् । पावर टिलर वितरण गर्ने भन्दै किसानबाट मनपरी रकम असुली गरेको आरोपमा उनीहरुलाई पक्राउ गरिएको हो ।
पक्राउ पर्नेमा बाल सशक्तिकरण नेपाल सहकारीका अध्यक्ष योगेश योगी, कालीमाई सहकारीका अध्यक्ष अमृत चौधरी र अखुवा सहकारीका अध्यक्ष सिताराम चौधरी रहेका छन् ।
उनीहरुमाथि कैलालीका किसानलाई पावर टिलर वितरण गर्ने भन्दै मनपरी ढंगले किसानबाट रकम असुली गरेको आरोप रहेको प्रहरीको भनाई छ । प्रहरीका अनुसार तीनवटै सहकारीले किसानबाट २५ प्रतिशत र संस्थाको ७५ प्रतिशत हिस्सेदारीमा पावर टिलर वितरण गर्ने सम्झौता गरेको देखिएको छ ।
तर, तीनै जना अध्यक्षले मनपरी ढंगले किसानबाट रकम असुलेपछि किसानहरुले दिएको उजुरीका आधारमा उनीहरुलाई पक्राउ गरिएको प्रहरीले जनाएको छ ।
