काठमाडौँ । जेसिजको ९औँ स्थापना दिवसको अवसरमा कैलालीमा ट्राफिक सचेतना कार्यक्रम सम्पन्न गरिएको छ ।
जेसिज स्थापना दिवसको अवसरमा जेसिज फूलवारी र अस्थायी ट्राफिक प्रहरी पोष्ट फूलवारीको सहयकार्यमा ‘ट्राफिक सम्बन्धी जनचेतनामूलक कार्यक्रम सम्पन्न गरिएको हो ।
कार्यक्रममा मोटरसाइकल, अटोरिक्सा र साना तथा ठूला सवारी साधन चालकहरुलाई ट्राफिक नियम पालनाबारे जानकारी गराइएको अस्थायी ट्राफिक प्रहरी पोष्ट फूलवारीका इन्चार्ज तथा प्रहरी हवल्दार शिद्धराज विष्टले जानकारी दिएका छन् ।
पछिल्लो समय सवारी दुर्घटना न्यूनिकरणमा उल्लेख्य भूमिका खेल्दै आएको ट्राफिक प्रहरीको काममा यस्ता खालका कार्यक्रमले ठूलो सहयोग र भूमिका खेल्ने प्रह विष्टले बताएका छन् । उनले आगामी दिनमा यस्ता खालका कार्यक्रम थप हुनेमा विश्वास व्यक्त गर्दै सबैलाई ट्राफिक नियम पालना गर्न पनि अनुरोध गरेका छन् ।
