काठमाडौँ । प्रमुख कार्यकारी अधिकृत (सीईओ)को पहिलो परीक्षामा सबै फेल भएपछि राष्ट्रिय बीमा कम्पनीले फेरि आवेदन खुलाएको छ । बिहीबार एक सूचना सार्वजनिक गर्दै कम्पनीले सीईओको लागि आवेदन मागेको हो ।
कम्पनीको सीईओ बन्न इच्छुकले सूचना सार्वजनिक भएको २१ दिनभित्र आवश्यक कागजातसहित आवेदन दिन सक्ने कम्पनीले जनाएको छ ।
यसो त कम्पनीले यसअघि असोज १६ गते कम्पनीको सीईओ पदका लागि आवेदन माग गरेको थियो । त्यसबेला कम्पनीमा सीईओका लागि चार जनाले आवेदन दिएका थिए । तर, आवेदन दिएका चारैजना परीक्षामा फेल भएपछि कम्पनीले पुनः सीईओको आवेदन खुला गरेको हो ।
अघिल्लो पटक सीईओको लागि आवेदन दिएका चारैजना फेल भएपछि र अहिले पनि खासै गतिलो मान्छे नआउने चर्चा कम्पनीभित्रै चलिरहेको बेला यसपालि भने योग्यता पुगेको व्यक्तिको आवेदन आए र पास मात्रै भए पनि जागिर लगभग पक्का देखिएको छ । यस्तो छ सीईओका लागि आवेदन माग सम्बन्धी कम्पनीको सूचनाः
