काठमाडौँ । नेपाल राष्ट्र बैंकले सहकारीबाट बिना धितो ३ लाखभन्दा बढिको ऋण प्रवाह गर्न नपाउने व्यवस्था गर्दैछ ।
राष्ट्र बैंकले बचत तथा ऋणको कारोबार गर्ने सहकारी संस्थाका लागि जारी गर्ने एकीकृत निर्देशनको प्रारम्भिक मस्यौदामा यस्तो व्यवस्था गरेको हो ।
मस्यौदामा सहकारीले नियमित बचत गरिरहेका सदस्यलाई बचत रकमको ५ गुणा वा बढीमा ३ लाखमध्ये जुन कम हुन्छ सो बराबर रकम मात्रै बिना धितो ऋण प्रवाह गर्न सक्ने व्यवस्था गरिएको छ ।
यसरी बिना धितो सहकारी संस्थाबाट ऋण प्रवाह गर्दा कम्तीमा दुई जना सदस्यको जमानी लिनुपर्ने पनि मस्यौदामा व्यवस्था गरिएको छ ।
