काठमाडौँ । महुली लघुवित्त वित्तीय संस्था लिमिटेडले यस वर्ष पनि आफ्ना सेयरधनीलाई लाभांश नदिने भएको छ । लघुवित्तको बुधबार बसेको संचालक समितिको बैठकले लाभांश वितरण नगर्ने निर्णय गरेको हो ।
महुलीले गत आर्थिक वर्षको मुनफाबाट लाभांश नदिने निर्णय गरेसँगै सेयरधनी निराश भएका छन् । बैठकले लाभांश वितरण नगरी गत आर्थिक वर्षको नाफालाई सञ्चित गर्ने निर्णय गरेको हो ।
त्यस्तै, वित्तीय विवरण स्वीकृतिका लागि नियामक नेपाल राष्ट्र बैंकमा पेश गर्ने जनाएको छ ।
महुलीले गत आर्थिक वर्ष २०७९/८० मा पनि लाभांश वितरण गरेको थिएन । कम्पनीले अन्तिमपटक आर्थिक वर्ष २०७८/७९ मा भने २० प्रतिशत बोनस सेयर र ५ प्रतिशत नगद गरी कुल २५ प्रतिशत लाभांश वितरण गरेको थियो ।
