काठमाडौँ । पूर्वगृहमन्त्री एवम् राष्ट्रिय स्वतन्त्र पार्टी (रास्वपा)का सभापति रवि लामिछाने आज (आइतबार) जिल्ला अदालत काठमाडौँमा हाजिर हुँदैछन् ।
काठमाडौँको कालिमाटीस्थित स्वर्णलक्ष्मी सहकारी प्रकरणमा प्रतिवादी बनाइएका लामिछाने आइतबार बिहान अदालतमा उपस्थित हुन लागेका हुन् ।
यसअघि पोखराको सूर्यदर्शन सहकारी ठगी प्रकरणमा तीन महिनाको अनुसन्धान तथा थुनछेक बहसपछि न्यायाधीश नितीज राईको इजलासले लामिछानेलाई ६५ लाख धरौटीमा रिहा गर्न आदेश दिएको थियो । सो आदेशपछि धरौटी बुझाएर रिहा भएका रवि आज काठमाडौँ जिल्ला अदालतमा उपस्थित हुँदैछन् ।
स्वर्णलक्ष्मी सहकारीमा रवि लामिछानेसहितका ३९ जनाविरुद्ध ६ सय ९० जना बचतकर्ताको १ अर्ब १९ करोड ३० लाख ९० हजार ४ सय ९३ रुपैयाँ हिनामिना गरेको आरोप छ ।
