काठमाडौँ । उमागौरी सहकारीका अध्यक्ष कारागार चलान भएका छन् । जिल्ला अदालत मोरङले सहकारीका अध्यक्ष शम्भुप्रसाद रौनियारलाई पुर्पक्षका लागि कारागार चलान गर्न आदेश दिएको हो । 

अदालतमा चलेको तीन दिनको बयान र आइतबार भएको थुनछेक बहसपछि रौनियारलाई न्यायाधीश अरुणकुमार झाको इजलासले पुर्पक्षका लागि कारागार चलान गर्न आदेश दिएको हो । 

उक्त सहकारीमा भएको ठगी प्रकरणमा प्रतिनिधिसभा अन्तर्गतको सार्वजनिक लेखा समितिका सभापति ऋषिकेश पोखरेलकी श्रीमतीको नाम पनि मुछिएको छ ।

सहकारीका अध्यक्ष रौनियार, पोखरेल पत्नी अन्जला कोइरालासहित २६ जनालाई प्रतिवादी बनाएर मंसिर २७ गते सहकारीको रकम अपचलनमा मुद्दा दायर गरिएको थियो ।२६ जनासँग २२ करोड ४८ लाख २७ हजार ७ सय रुपैयाँ बिगो मागदाबी गरिएको छ ।