काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेलाई धरौटीमा छोड्न चितवन जिल्ला अदालतले आदेश दिएको छ ।

बिहीबार साहारा चितवन सहकारी ठगी प्रकरणको मुद्दामा थुनछेक बहस सकिएपछि अदालतका न्यायाधीश दयाराम ढकालको इजलासले रविलाई ५४ लाख रुपैयाँ धरौटी लिएर छोड्न आदेश दिएको हो ।

सहकारी ठगी प्रकरणमा बयान दिन लामिछाने बुधबार नै अदालतमा उपस्थित भएका थिए । तर, बुधबार बयान र थुनछेक बहस नसकिएपछि उनलाई प्रहरीको जिम्मा लगाइएको थियो ।

लामिछानेलाई यसअघि रुपन्देही जिल्ला अदालतले १ करोड धरौटी, काठमाडौँ जिल्ला अदालतले ६० लाख धरौटी र कास्की जिल्ला अदालतले ६५ लाख धरौटीमा छोड्न आदेश दिएको थियो ।