काठमाडौँ । सेयर बजार सम्बन्धी ‘पेड ग्रुप’ चलाउनेमाथि कारवाही हुने भएको छ । सेयर लगानीकर्तालाई टार्गेट गरेर कुन सेयर किन्ने ? र कुन सेयर बेच्ने ? भन्दै सिकाउने उद्देश्यले ‘पेड ग्रुप’ चलाउनेमाथि कारवाही हुने भएको हो ।

यसरी ‘पेड ग्रुप’ चलाउने केहीविरुद्ध त प्रहरीको केन्द्रीय अनुसन्धान ब्युरो (सीआईबी)ले कारवाही प्रक्रिया नै अगाडि बढाइसकेको छ । 

उनीहरुविरुद्ध करछली र ठगीको केस अघि बढाइने सीआईबीका एक अधिकारीले बताएका छन् । ती अधिकारीका अनुसार सीआईबीमा प्राप्त उजुरीका आधारमा सम्बन्धित निकायलाई समेत पत्राचार गरी यस्तो काममा संलग्नलाई कारवाही प्रक्रिया अगाडि बढाएको छ । 

 पछिल्लो समयमा मासिक १० हजार देखि २५ हजारसम्म लिएर पेड ग्रुप चलाउने, सो आयको करसमेत नतिर्ने, कतै दर्ता पनि नहुने गरेको उजुरीका आधारमा यस्तो कारवाही प्रक्रिया अगाडि बढेको हो ।