काठमाडौँ । राष्ट्रिय स्वतन्त्र पार्टी (रास्वपा)का सांसद शिशिर खनालले सरकारले गितेन्द्रबाबु (जीबी) राईलाई खोजिरहेको छ कि छैन ? भन्दै प्रश्न गरेका छन् । प्रतिनिधि सभाको बैठकमा सांसद खनालले यस्तो प्रश्न गरेका हुन् ।
सहकारी ठगीका नाइकेसमेत रहेका गोर्खा मिडियाका अध्यक्ष राई लामो समयदेखि फरार छन् । तर, सहकारीको सबैभन्दा धेरै रकम हिनामिना गरेको आरोप लागेका राई अझै पक्राउ परेका छैनन् ।
फरार रहेका राईको खोजीकार्यमा सरकारले बेवास्ता गरेको आरोप लगाउँदै सांसद खालले राईको खोजीकार्य भइरहेको छ कि छैन भन्दै सरकारलाई संसद्बाटै प्रश्न गरेका छन् ।
त्यस्तै, उनले सहकारी संसदीय विषेश छानविन समितिले रवि लामिछानेको सहकारी ठगीमा प्रत्यक्ष संलग्नता नरहेको भने पनि सरकारले प्रतिशोध साँधेको आरोप लगाएका छन् । उनले सकारले समितिको सिफारिस विपरित सङ्गठित अपराध र सम्पत्ति शुद्धिकरणको मुद्दा समेत थपेको जिकिर गरेका छन् ।
अर्कोतर्फ सरकारले अझै एक जिल्लामा रवि लामिछानेविरुद्द मुद्दा दर्ता नगरी अल्झाइरहेको आरोप समेत लगाएका छन् ।
