काठमाडौँ । नेपाल इन्स्योरेन्सको संचालक हुँदा नियम विपरित सेयर कारोबार गरेको आरोपमा नियामक नेपाल धितोपत्र बोर्डको अनुसन्धानमा परेका चन्द्र सिंह साउद नेपाल इन्स्योरेन्सको अध्यक्षमा नियुक्त भएका छन् ।
जेठ १२ गते बसेको कम्पनीको सञ्चालक समितिको बैठकले साउदलाई अध्यक्ष पदमा सर्वसम्मत रूपमा चयन गर्ने निर्णय गरेको हो ।
साउद विसं २०७९ जेठ ३० गतेदेखि कम्पनीको सञ्चालकको रूपमा रहँदै आएका छन् । उनले संस्थापक सेयरधनीका तर्फबाट सञ्चालक समितिमा प्रतिनिधित्व गर्दै आइरहेका थिए ।
साथै, सोही बैठकले रिक्त रहेको सञ्चालक पदमा भने समता पन्तलाई नियुक्त गर्ने निर्णय गरेको छ ।
