काठमाडौँ । सहकारी बचत तथा संरक्षण राष्ट्रिय अभियान (महासंघ)ले सहकारी पीडितको बचत रकम फिर्ता गर्न माग गर्दै प्रदर्शन गरेको छ । बचतकर्ताको बचत फिर्ता गर्न र पीडकलाई कारबाहीको माग गर्दै महासंघले मंगलवार काठमाडौँमा मोटरसाइकल र्याली गरेको हो ।
महासंघले १६ समस्याग्रस्त सहकारीहरुको सूचि सहकारी नियमन प्राधिकरणमा बुझाएको छ । महासंघमा आबद्ध १६ वटा समस्याग्रस्त सहकारीहरुको सूची प्राधिकरणमा बुझाइएको अभियानका कोषाध्यक्ष देव श्रेष्ठले बताएका छन् । उनले सहकारी पीडितलाई न्याय दिन माग गर्दै लामो समयदेखि आफूहरुले आन्दोलन जारी राखेको भएपनि राज्यले सुनुवाइ नगरेको गुनासो गरेका छन् ।
त्यस्तै, उनले सहकारी पीडितको माग राज्यले नसुनेको र आन्दोलनकारीको शक्ति नपत्याएको भन्दै बचतकर्ताको बचत मागेर नभए, खोसेर लिनुपर्ने अवस्था आएको चेतावनी भन्दै चेतावनी दिएका छन् ।
अभियानले समस्याग्रस्त सहकारीका सञ्चालकहरूमाथि कारबाही र पीडितलाई रकम फिर्ता गराउन माग विभिन्न चरणमा आन्दोलन गर्दै आएको छ । सहकारीहरूको नियमन र बचतकर्ताको बचत रकम अपचलन गर्ने जो कोहीलाई कानुनको दायरामा ल्याउनको लागि सरकारले ललितपुरको पुलचोकमा प्राधिकरण स्थापना गरेको छ ।
