काठमाडौँ । प्रभु बैंक र फ्रन्टलाईन हस्पीटलबीच छुट सम्झौता सम्पन्न भएको छ । प्रभु बैंकका ग्राहक तथा कर्मचारीहरुलाई काठमाडौँ महानगरपालिका वडा नं १०, बानेश्वर स्थित फ्रन्टलाईन हस्पीटलको सेवा सुविधामा विशेष छुट प्रदान गर्ने सम्झौता भएको हो ।
उक्त सम्झौतापत्रमा फ्रन्टलाईन हस्पीटलका तर्फबाट क्लिनिकल अध्यक्ष योगेश न्यौपाने र मेडिकल प्रशासक रोहन झा तथा प्रभु बैंक लि.का तर्फबाट चिफ मार्केटीङ अफिसर रमेश कुमार श्रेष्ठ र मार्केटीङ म्यानेजर दिना चित्रकारले संयुक्त हस्ताक्षर गरेका हुन् ।
सम्झौता पश्चात बैंकका कर्मचारी र कर्मचारीका परिवारजन तथा ग्राहकहरुले हस्पीटलमा १० प्रतिशत छुट पाउने भएका छन् । सो छुट सेवा सुविधा फ्रन्टलाईन हस्पीटलमा प्राप्त गर्न सकिनेछ ।
