काठमाडौँ । ग्रामीण विकास लघुवित्त वित्तीय संस्था लिमिटेडको १०औँ वार्षिक साधारणसभा सम्पन्न भएको छ । कम्पनीको साधारणसभा असार २८ गते शनिबार बुटवलमा भौतिक तथा भर्चुअल/विद्युतीय माध्यम मार्फत सञ्चालक समितिका अध्यक्षमा भरतराज कोइरालाको अध्यक्षतामा सम्पन्न भएको हो ।
साधारणसभामा सम्पूर्ण सञ्चालक समितिका सदस्यहरु, नेपाल सरकार अर्थ मन्त्रालयका प्रतिनिधि, संस्थाका सम्पूर्ण सेयरधनी बैंक वित्तीय संस्थाका प्रतिनिधि र अन्य सेयर सदस्यहरुको उपस्थिति रहेको थियो ।
१०औँ वार्षिक साधारणसभामा सञ्चालक समितिका अध्यक्ष भरतराज कोइरालाले सञ्चालक समितिकोतर्फबाट वार्षिक प्रतिवेदन पेश गरेका थिए । त्यस्तै, उनले सेयरधनीहरुका लागि टिप्पणी, जिज्ञासा र सुझावहरु प्रस्तुत गर्न समय प्रदान गरेकोमा भौतिक तथा भर्चुअल/विद्युतीय माध्यम मार्फत सेयरधनीहरुले रचनात्मक टिप्पणी, जिज्ञासा र सुझावहरु प्रस्तुत गरेका थिए ।
सेयरधनीहरुबाट आएका जिज्ञासा एवम् महत्वपूर्ण सुझावहरु उपर अध्यक्षको अनुमतिमा प्रमुख कार्यकारी अधिकृत श्याम कुमार कटुवालले जवाफ दिएका थिए । तत्पश्चात साधारणसभामा सहभागी सेयर सदस्यहरुबाट कुनै जिज्ञासा नआएको हुँदा सञ्चालक समितिका अध्यक्ष भरतराज कोइरालाले साधरण सभामा छलफलका विषयसूचीहरु साधारण प्रस्ताव र विशेष प्रस्तावलाई निणायार्थ पेश गर्नु भएकोमा सर्बसम्मतिबाट उक्त प्रस्तावहरु पारित भएको थियो ।
यता, संस्थाको साधारणसभामा प्रवेश गर्न र आफ्नो बीचार राख्न पाइएन भन्ने खालका समाचार विभिन्न मिडियामा आएका थिए । तर, उक्त समाचारमा कुनै सत्यता नभएको भन्दै संस्थाको गम्भिर ध्यानाकर्षण भएको जनाएको छ ।
