काठमाडौँ । सांग्रिला डेभलपमेन्ट बैंकका ग्राहक, सेयरधनि तथा कर्मचारीलाई किड्स क्लिनिकमा छुट हुने भएको छ । काठमाडौँको मध्य वानेश्वरस्थित किड्स क्लिनिकको सेवामा बैंकका ग्राहकलाई छुट दिने सम्झौता सम्पन्न भएको हो ।
जस अनुसार किड्स क्लिनिकका विशेषज्ञ डाक्टरहरूको बहिरङ्ग सेवा (ओपीडी) र प्रयोगशाला (ल्याब)को शुल्क तथा औषधीको मूल्यमा सांग्रिला डेभलपमेन्ट बैंकका सेयरधनी र कर्मचारीले १५ प्रतिशत तथा ग्राहक (डेबिट कार्ड र मोबाइल बैंकिङ सेवा लिएका)ले १० प्रतिशत छुट पाउने छन् ।
सम्झौतापत्रमा सांग्रिला डेभलपमेन्ट बैंक लिमिटेड, बालुवाटार शाखाका प्रबन्धक मनोहर महोत्रा र किड्स क्लिनिकका निर्देशक डा. पुष्पराज अवस्थीले हस्ताक्षर गरेका हुन् ।
किड्स क्लिनिक बाल स्वास्थ्य सम्बन्धि विधागत विशेषज्ञ डाक्टरहरूले सञ्चालन गरेको क्लिनिक हो ।
