काठमाडौँ । कानूनी विवादकै बीच हरि सिलवाल राष्ट्रिय वाणिज्य बैंकको सञ्चालक बनेका छन् । उनको नियुक्ति प्रचलित व्यवस्था विपरीत रहेको हुँदाहुँदै उनी बैंकको सञ्चालक बनेका हुन् ।
यसो त प्रचलित व्यवस्था अनुसार बैंकको ऋणी वा लेखापरीक्षक बैंकको सञ्चालक बन्न पाइँदैन । सिलवाल राष्ट्रिय वाणिज्य बैंककै लगानी रहेको आरबिबि मर्चेन्ट बैंकिङमा अडिटरसमेत थिए भने बैंकको ऋणीसमेत थिए ।
कानूनी विवाद हुँदाहुँदै उनी राष्ट्रिय वाणिज्य बैंकको सञ्चालक बनेका छन् । आफू बैंकको सञ्चालक बन्न अयोग्य छु भन्ने जान्दाजान्दै सिलवालले गत साता अर्थ मन्त्रालयबाट बैंक सञ्चालकको नियुक्ति लिएका थिए । तर, उनको नियुक्तिलाई लिएर बैंकभित्रै विवाद सुरु भएपछि उनको सपथ रोकिएको थियो ।
तर, कानून र प्रचलित व्यवस्थालाई ठाडो उल्लंघन गर्दै अन्ततः सिलवाल बैंकको सञ्चालक बनेका छन् । उनले राष्ट्रिय वाणिज्य बैंकबाटै गाडी किन्न अटो लिन लिएका थिए । अर्थ मन्त्रालयबाट सञ्चालकको नियुक्ति लिँदासम्म पनि उनी बैंककै ऋणी थिए । बैंकभित्र विवाद भएपछि उनले हतार हतार बैंकको ऋण तिरेका थिए ।
तर, सिलवालको नियुक्ति प्रचलित व्यवस्था विपरीत भएको र बैंकभित्रै पनि विवाद भएकाले उनको सञ्चालक पद कुनै पनि बेला बर्खास्त हुनसक्ने बैंककै एक सञ्चालकले बताएका छन् ।
