काठमाडौँ । एनआईसी एशिया बैंक र कैलाली हस्पिटलबीच छुट सम्झौता भएको छ । बैंकका ग्राहकलाई स्वास्थ्य उपचार सेवामा विशेष छुट उपलब्ध गराउने सम्बन्धमा कैलाली हस्पिटल प्रा.लि. र बैंकबीच सम्झौता सम्पन्न भएको हो ।
सम्झौतासँगै बैंकका ग्राहकहरुले धनगढी, कैलालीमा रहेको कैलाली हस्पिटलमा आफ्नो स्वास्थ्य उपचार गरी डिजिटल भुक्तानी गर्दा अस्पतालले उपलब्ध गराएको विभिन्न सेवाहरुमा २० प्रतिशतसम्म छुट प्राप्त गर्न सक्नेछन् ।
बैंकका ग्राहकहरुले कन्सल्टेन्ट ओपीडी/इमर्जेन्सी ओपीडी, जेनेरल बेड पर डे (हस्पिटल एडमिट), क्याबिन पर डे (हस्पिटल एडमिट), आइसीयु बेड पर डे, एनआइसीयु बेड पर डे, पोस्ट-अपरेटिभ रुम पर डे, जेनरल सर्जरी, अर्थोपेडिक, गाइनोलोजी, लाप्रोसकपी सर्जरी, प्याथोलोजी टेस्ट, भिडियो एक्स-रे, एक्स-रे, इसीजी, इको, इन्डोसकपी, मेडिसिन जस्ता सेवाहरुमा उक्त छुट सुविधा उपभोग गर्न सक्नेछन् ।
उक्त सुविधाको उपभोग गर्न ग्राहकहरुले बैंकको डेबिट कार्ड, क्रेडिट कार्ड वा प्रिपेड कार्ड प्रयोग गरी वा मोबैंक एपमार्फत भुक्तानी गर्नुपर्ने छ ।
उक्त हस्पिटलसँगको सहकार्यले उक्त क्षेत्रमा बैंकका ग्राहकहरुलाई स्वास्थ्य उपचारमा विशेष सहयोग हुनुको साथै मुलुकको डिजिटल भुक्तानी सेवालाई प्रबर्द्धन गरी नगदरहित कारोबारमा सहयोग पुग्ने बैंकले विश्वास लिएको छ ।
