काठमाडौँ । आन्दोलनका क्रममा भाटभटेनीमा आइसक्रिम चोरेको अभियोगमा स्कुलबाटै निकालिएका शिक्षक निर्दोष देखिएका छन् ।

रुपन्देहीको बुटवलस्थित भाटभटेनी सुपर स्टोरमा अइसक्रिम चोरेको भन्दै कालिका मानवज्ञान विद्यालयले शिक्षक शिवशंकर शुक्लालाई बर्खास्त गरेको थियो ।

तर, उनले आइसक्रिम नचोरेको बरु खस्न लागेको आइसक्रिम मात्र उठाइदिएको तथ्य बाहिरिएको छ । यस्तो तथ्य बाहिरिएसँगै शिक्षक शुक्लालाई स्कुलले पुनः जागिरमा राख्ने तयारी गरेको छ ।