काठमाडौँ । जेनजी आन्दोलनका क्रममा नेपाल टेलिकममा ६० हजार बढी रिचार्ज कार्ड चोरी भएको पाइएको छ । टेलिकमले सूचना नै जारी गरेर पोखरास्थित प्रादेशिक निर्देशनालयबाट ६० हजार भन्दा बढी रिचार्ज कार्ड चोरी भएको जनाएको हो । 

टेलिकमका अनुसार एक सय दरका ६० हजार भन्दा बढी र ५ सय दरका दुई सय थान रिचार्ज कार्ड चोरी भएको छ । 

नेपाल टेलिकमले टेलिकमबाट चोरी भएका रिचार्ज कार्डहरुको सिरियल नम्बरसमेत सार्वजनिक गरेको छ । ती सिरियल नम्बर भएका रिचार्ज कार्ड प्रयोग नगर्न र खरिद-बिक्री नगर्न पनि टेलिकमले अनुरोध गरेको छ । तथापि कसैले चोरी भएका कार्ड प्रयोग वा खरिद-बिक्री गरे कारवाही हुने टेलिकमले जनाएको छ । 

त्यस्तै, टेलिकमले सार्वजनिक गरेको सिरियल नम्बरका रिचार्ज कार्ड भेटे वा कसैसँग भए नजिकैको टेलिकम कार्यालय वा प्रहरी कार्यालयमा बुझाउन आग्रह गरेको छ ।