काठमाडौँ । महिला लघुवित्त वित्तीय संस्थाका कर्मचारी आन्दोलमा उत्रिएका छन् । तलबभत्ता बढाउनुपर्नेसहितका माग राख्दै कर्मचारीहरु आन्दोलनमा उत्रिएका हुन् ।

लघुवित्तका कर्मचारीहरुले भदौ २९ गते (सोमबार) प्रेस विज्ञप्ति नै जारी गर्दै आन्दोलनको घोषणा गरेका छन् । उनीहरुले तलब भत्ता वृद्धि तथा कर्मचारी विनियमावलीको हुबहु, कार्यान्वयन नगरेको र अन्य सुविधासमेत हेरफेर गर्नुपर्ने भन्दै २४ घण्टे अल्टिमेटम दिँदा पनि व्यवस्थापन पक्षले नटेरेको भन्दै आन्दोलन नै गर्नुपरेको बताएका छन् । 

कर्मचारीहरुले यथाशीघ्र तलबभत्ता ५० प्रतिशतले वृद्धि गर्न, कर्मचारीको नियमित सरुवा गर्न, आवश्यकता र क्षमताका आधारमा कर्मचारीलाई कर्जा सापटीको व्यवस्था गर्न लगायतका माग राखेका छन् । 

आफूहरुले राखेका माग सम्बोधन नभए हदैसम्मको संघर्ष गर्ने महिला लघुवित्त वित्तीय संस्था कर्मचारी युनियनका महासचिव रबिन्द्रराज खनालले बताएका छन् । उनले हाल संस्थाको ध्यानाकर्षण गराएको भन्दै असोज १ गते केन्द्रीय कार्यालयमा धर्ना दिने र त्यति गर्दा पनि माग सम्बोधन नभए देशभरका शाखा कार्यालयमा तालाबन्दी गर्ने खनालले चेतावनी दिएका छन् । यस्तो छ विज्ञप्तिः