काठमाडौँ । एनआईसी एशिया लघुवित्त वित्तीय संस्था लिमिटेडको संचालकमा दिवाकर भट्टराई नियुक्त भएका छन् । लघुवित्तको सञ्चालक समितिको बैठकले भट्टराईलाई संचालकमा नियुक्त गर्ने निर्णय गरेको हो ।
उनलाई लघुवित्तको आगामी वार्षिक साधारण सभासम्मको लागि नियुक्त गरिएको हो ।
उक्त पदमा यस अघि सञ्चालक सुमन थपलिया संस्थापक समूहमा संस्थापक एनआईसी एशिया बैंक लिमिटेडको तर्फबाट प्रतिनिधित्व गर्दै आएका थिए ।
नव नियुक्त सञ्चालक दिवाकर भट्टराईले संस्थाका अध्यक्ष प्रकाश राज शर्मासमक्ष शपथ ग्रहण गरी आफ्नो पद बहाल गरेका छन् । बैंकिङ क्षेत्रमा १६ वर्षको कार्यानुभव भएका भट्टराई हाल एनआईसी एशिया बैंक लिमिटेडमा चिफ अग्रिकल्चर एण्ड अदर कर्पोरेट लोनको रुपमा कार्यरत छन् ।
उनको कार्यानुभवबाट संस्थाले लिएको लक्ष्य हासिल गरी संस्थालाई लघुवित्त वित्तीय संस्थाहरु माझ अग्रणी, सबल तथा सशक्त लघुवित्त संस्थाको रुपमा स्थापित गराउन अझै थप सहयोग पुग्ने संस्थाको विश्वास रहेको छ ।
