काठमाडौँ । सरकारी कार्यक्रम अब होटल र रिसोर्टमा गर्न नपाइने भएको छ । भूमि व्यवस्था, सहकारी तथा गरिबी निवारण मन्त्रालय मातहतका सबै कार्यक्रम होटल र रिसोर्टमा गर्न नपाइने भएको हो ।

मन्त्रालयले सबै कार्यालयका कार्यक्रमहरु कार्यालय भित्रकै सभा हल वा बैठक कक्षमा गर्न निर्देशन दिएको छ ।

मन्त्रालयको योजना अनुगमन तथा मूल्याकंन महाशाखाले सबै महाशाखा, आयोग, प्राधिकरण, विभाग तथा कार्यालयहरूलाई परिपत्र गर्दै सरकारी खर्चलाई मितव्ययी र उपलब्धिमूलक बनाउन यस्तो निर्देशन दिएको हो । 

महाशाखाका अनुसार अब कुनै पनि कार्यालयले बैठक, गोष्ठी, तालिम, सेमिनार लगायतका कार्यकमहरु होटेल तथा रिसोर्टहरुमा सञ्चालन नगरी आफ्नै कार्यालय परिसर वा सरकारी संरचनाभित्र रहेका सभा कक्ष र तालिम कक्षमा मात्रै गर्नुपर्नेछ ।