काठमाडौँ । गौतमश्री सहकारीका व्यवस्थापक पक्राउ परेका छन् । काठमाडौँको कुलेश्वरस्थित गौतमश्री सहकारीका व्यवस्थापक रविन बिष्ट पक्राउ परेका हुन् ।

पाँचथरको फिदिम नगरपालिका–४ घर भएका ४१ वर्षीय व्यवस्थापक बिष्टलाई काठमाडौँ उपत्यका अपराध अनुसन्धान कार्यालयको टोलीले काठमाडौँबाटै पक्राउ गरेको हो ।

पक्राउ परेका बिष्टलाई थप अनुसन्धानका लागि जिल्ला प्रहरी परिसर काठमाडौँ पठाइएको अपराध अनुसन्धान कार्यालयले जनाएको छ । कार्यालयका अनुसार उनीविरुद्ध जिल्ला अदालतबाट म्याद लिएर अनुसन्धान अघि बढाइनेछ ।

गौतमश्री सहकारीमा बचतकर्ताको ५ अर्ब बढी ठगी भएको आरोप छ ।