काठमाडौँ । समस्याग्रस्त ५ सहकारीका ऋणीको नाम सार्वजनिक गरिएको छ । समस्याग्रस्त सहकारी व्यवस्थापन समितिको कार्यालयले घेदुङ्ग बहुउद्देश्यीय सहकारी संस्था लिमिटेड, तपाईँ हाम्रो बहुउद्देश्यीय सहकारी संस्था लिमिटेड, नागरिक कल्याण बहुउद्देश्यीय सहकारी संस्था लिमिटेड र आइडियल यमुना बहुउद्देश्यीय सहकारी संस्था लिमिटेडका ऋणीहरुको नाम सार्वजनिक गरेको हो । 

यी सहकारीहरु २०८० चैत १९ गते समस्याग्रस्त घोषित भएका थिए । त्यस्तै, चैत १३ गते समस्याग्रस्त घोषणा भएको गौतमश्री सहकारीका ऋणीहरुको नाम पनि सार्वजनिक गरिएको छ । 

ऋणीहरुको नाम सार्वजनिक गर्दै समस्याग्रस्त सहकारी व्यवस्थापन समितिको कार्यालयले ऋण तिर्न पनि ताकेता गरेको छ । त्यस्तै, ऋण चुक्ता गरिसकेका तर नामावलीमा नाम समावेश भएकालाई सप्रमाण कार्यालयमा उपस्थित हुन पनि आग्रह गरिएको छ । 

यसका बावजुत पनि ऋण नतिर्ने र सम्पर्कमा नआउने ऋणीहरुलाई कानून बमोजिम कारवाही गर्ने र सम्पत्ति असुल गरिने कार्यालयले चेतावनी दिएको छ ।