काठमाडौँ । नेपाल माइक्रो इन्स्योरेन्सका पूर्व प्रमुख कार्यकारी अधिकृत (सिइओ) मृगेन्द्रनाथ रिमाल पक्राउ परेका छन् । नेपाल प्रहरीको केन्द्रीय अनुसन्धान ब्युरो (सीआईबी)ले उनलाई काठमाडौं महानगरपालिका-७, सिफलबाट पक्राउ गरेको हो ।

रिमाललाई बीमा ऐन, २०७९ तथा धितोपत्र सम्बन्धी ऐन, २०६३ अन्तर्गतको मुद्दामा फरार रहेका अवस्थामा पक्राउ गरिएको प्रहरीले जनाएको छ ।

सीआईबीका अनुसार नेपाल बीमा प्राधिकरण र नेपाल धितोपत्र बोर्डको पत्र जाहेरीका आधारमा नेपाल सरकार वादी तथा दीपक भट्टसहित प्रतिवादी रहेको मुद्दामा रिमाल वारदातपछि फरार रहेका थिए ।