काठमाडौँ । विवादित जिम्बु थकालीले राष्ट्रघाती काम सच्याएको छ । नेपालको नक्सामा लिपुलेक, लिम्पियाधुरा र कालापानीसहितको चुच्चो नै गायब गरेर भिडियो हालेको जिम्बु थकालीले अन्नः भिडियोबाट गलत नक्सा नै हटाएको हो । 

‘जिम्बु थकाली बाई क्यापिटल ग्रिल, टंगाल’ले यसअघि ‘प्रमोसनल भिडियो’ भन्दै पोष्ट गरेर ‘बुष्ट’ गरेको ३७ सेकेन्डको भिडियोमा नेपालको नक्सामा चुच्चो नै गायब गरिएको थियो । 

भिडियोमा २-२ वटा नेपालको नक्सा देखाइए पनि थकालीले नक्साको चुच्चो नै गायब गरेपछि अर्थ सरोकारले सो सम्बन्धी समाचार सम्प्रेषण गरेको थियो । अर्थ सरोकारले समाचार सम्प्रेषण गरेको केहीबेरमै थकालीले सो भिडियोबाट नेपालको गलत नक्सा हटाएको छ । 

यो पनि:‘भेज खानामा हड्डी दिने’ जिम्बु थकालीले देशको नक्सै खायो, देशमै व्यापार गर्नेले देशकै अस्मिता पचायो !

यसो त केही समयअघि भेज खानामा हड्डी दिएपछि जिम्बु थकाली विवादमा तानिएको थियो । त्यसअघि पनि ३५ रुपैयाँ पर्ने पानीलाई १०० रुपैयाँ लिएपछि थकालीले ३ लाख रुपैयाँ जरिवाना तिरेको थियो । 

यो पनि:जिम्बु थकालीमा भेज खानामा कुखुराको हड्डी भेटिएको भिडियो भाइरल, वेटरले मागे माफी, मेनेजरले बोले ‘धम्कीपूर्ण भाषा’ !