काठमाडौँ । अमेरिकाले चिनियाँ रोबटमाथि प्रतिबन्ध लगाएको छ । राष्ट्रिय सुरक्षामा जोखिम रहेको निष्कर्ष निकाल्दै अमेरिकाले चीनमा उत्पादन हुने मानवसदृश रोबोट आयातमा प्रतिबन्ध लगाएको हो । 

मानवसदृशसँगै अमेरिकाले चार खुट्टे रोबोटको आयातमा पनि प्रतिबन्ध लगाएको छ । यस्ता रोबोटमाथि प्रतिबन्ध लगाइएको ट्रम्प प्रशासनले घोषणा गरेको छ । 

उक्त प्रतिबन्ध बाह्य मुलुकमा उत्पादन भएका उन्नत रोबोट र विद्युत रुपान्तरण उपकरणमा मात्र लागू हुने बताइएको छ । यसअघि स्वीकृति पाएका उपकरण तथा रोबोटको बिक्री र आयातमा भने कुनै रोक नलगाइएको अमेरिकी संघीय सञ्चार आयोगले जनाएको छ । 

यता वासिङटनस्थित चिनियाँ दूतावासले भने चिनियाँ रोबोट लगायतका उत्पादनमाथि प्रतिबन्ध लगाउने अमेरिकी निर्णयको विरोध गरेको छ ।