काठमाडौँ । राजधानीमा जारी तेस्रो संस्करणको नेपाल प्रिमियर लिग (एनपिएल) क्रिकेटमा आज दुईवटा खेल हुँदैछन् ।

पहिलो खेल दिउँसो १२ बजे जनकपुर बोल्ट्स र काठमाडौँ गोर्खाजबीच हुनेछ । यस्तै, आजको दोस्रो खेल बेलुकी ५ बजे कर्णाली याक्स र विराटनगर किङ्सबीच हुनेछ । 

जनकपुर दोस्रो खेल खेल्दैछ भने काठमाडौँ पहिलो खेल खेलिरहेको हो । जनकपुर यसअघि कर्णाली याक्ससँग १९ रनले पराजित भएको थियो । 

विराटनगर र कर्णाली दोस्रो खेल खेल्दैछन् । यसअघि विराटनगर चितवन राइनोजसँग ८ रनले पराजित भएको थियो । कर्णालीले जनकपुरलाई १९ रनले हराएको थियो ।

विराटनगर पहिलो जितको खोजीमा हुँदा कर्णाली लगातार दोस्रो खेलमा विजयी हुन चाहन्छ ।