काठमाडौं । सांग्रिला डेभलपमेन्ट बैंकका २ जना संस्थापक सेयरधनीले आफ्नो नाममा रहेको संस्थापक सेयर बिक्री गर्ने भएका छन् । बैंकका संस्थापक सेयरधनी शशी कार्कीले २० हजार ७८४ र शोभा मिश्रले ८ हजार कित्ता आफ्नो नाममा रहेको संस्थापक सेयर बेच्न बैंकसँग अनुमति मागेका हुन् ।

अनुमतिसंगै बैंकले बिक्री प्रक्रिया अघि बढाएको छ । सो सेयरमा संस्थापक सेयरधनीले आवेदन दिन सक्नेछन् भने सूचना प्रकाशित भएको ३५ दिनभित्र आवेदन नपरेमा अन्य व्यक्ति वा संस्थालाई सेयर बिक्री गरिने बैंकले जनाएको छ ।

संस्थापक सेयर खरिद गर्न चाहने सेयरधनीले सूचना प्रकाशित भएको ३५ दिनभित्र आवश्यक कागजपत्रसहित बैंकको केन्द्रीय कार्यालयमा बालुवाटारमा आवेदन दिनुपर्नेछ ।