• अर्थ सरोकार सम्बाददाता 

काठमाडौं । महालक्ष्मी विकास बैंकले संस्थापक सेयरलाई सर्वसाधारण सेयरमा रुपान्तरण गर्ने भएको छ । बैंकले संस्थापक सेयरको सेयर अनुपात ५२.४९ र सर्वसाधारण समूहको ४७.५१ रहेकोमा ५१ः४९ कायम गर्न आवश्यक प्रक्रिया अगाडि बढाएको छ ।

संस्थापक समूहमा रहेका सेयरधनीले सेयरहरु अर्को कुनै समूहमा परिणत गर्न नचाहेमा लिखित रुपमा स्वघोषणा विवरण पेश गर्नुपर्नेछ । आफ्नो नाममा रहेको संस्थापक सेयर सर्वसाधारण सेयरमा रुपान्तरण गर्न नचाहनेले सूचना प्रकाशित भएको मितिले ३५ दिनभित्र बैंकको केन्द्रीय कार्यालयमा विवरण पेश गर्नुपर्नेछ ।