">
- अर्थ सरोकार सम्बाददाता
काठमाडौँ । इन्फिनिटी लघुवित्त वित्तीय संस्था र नेपाल एग्रो लघुवित्त वित्तीय संस्थाको साधारणसभा एकैदिन हुने भएको छ । इन्फिनिटीले नेपाल एग्रोलाई एक्वायर गर्दैछ । दुवै कम्पनीले एक्वायरको प्रस्ताव राखेर असार २१ गते सभा बोलाएका हुन् । इन्फिनिटीले विशेष सभा गर्न लागेको हो भने र नेपाल एग्रोले वार्षिक सभा गर्न लागेको हो ।
सभमा सम्पति तथा दायित्व मूल्यांकन प्रतिवेदनका आधारमा तय भएको १ः०.९८सेयर स्वाप रेसियोमा एक्वायर प्रक्रिया सम्पन्न गर्ने कार्यलाई अन्तिम स्वीकृति दिने एजेन्डा रहेको छ । सभाले एक्वायर सम्बन्धी सम्झौताको अनुमोदन पनि गर्नेछ । यस्तै एक्वायरपछि जारी पुँजी, चुक्ता पुँजी र सोही अनुसार सेयर संरचना परिवर्तन हुने भएकाले प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिने प्रस्ताव पेश हुनेछ ।
इन्फिनिटीको विशेष सभा संस्थाको मुख्य कार्यालय गैंडाकोट नवलपुरमा बिहान ९ बजे भिडियो कन्फ्रेन्समार्फत हुनेछ भने यस कम्पनीले असार ८ गते बुक क्लोज गर्दैछ । यता नेपाल एग्रोको सभा सिटिस्क्वेयर प्रालि न्यूरोड पोखरामा बिहान ९ बजे नै सुरु हुनेछ । कम्पनीले आर्थिक वर्ष २०७६–७७ को नाफाबाट १४% बोनस र कर प्रयोजनको लागि ०.७३% नगद लाभांश दिने प्रस्ताव गरेको छ ।
एक्विजिसन प्रक्रियाका कारण हाल नेपाल एग्रोको सेयर कारोबार रोक्का छ ।
