• अर्थ सरोकार सम्बाददाता 

काठमाडौं । मल्टिपर्पस फाइनान्स कम्पनीको आजबाट संस्थापक समूहको सेयर लिलामी बिक्री खुला भएको छ । संस्थाको १७ लाख ५९ हजार ६२१ कित्ता सेयर लिलामी बिक्री खुला गरेको हो । संस्थाको सो सेयरमा सर्वसाधारणले पनि आवेदन दिन सक्नेछन् । 

यता लगानीकर्ताले न्यूनतम १ सय रुपैयाँलाई आधार मानेर बोलकबोल गर्नुपर्ने छ भने माघ २ गतेसम्म मात्र लिलामी भर्न सकिनेछ । लगानीकर्ताले बिक्री प्रबन्धक सिभिल क्यापिटल मार्केट सुन्धारा, काठमाडौं र मल्टिपर्पस फाइनान्सको केन्द्रीय कार्यालय, राजविराज सप्तरीबाट आवेदन दिन सक्नेछन् । यस्तै सिभिल बैंकको विराटनगर, वीरगञ्ज, पोखरा, बुटवल, नेपालगञ्ज, वीरेन्द्रनगर, धनगढी, विर्तामोड, जनकपुर, हेटौंडा, नारायणघाट र घोराही शाखाबाट पनि आवेदन दिन सकिनेछ ।