काठमाडौं । चालु आर्थिक वर्षको दोस्रो त्रैमासमा सानिमा माई हाइड्रोपावरले ३७ करोड १४ लाख ५३ हजार रुपैयाँ खुद नाफा कमाएको छ । कम्पनीले वित्तीय विवरण सार्वजनिक गर्दै नाफा  १७.९९% ले बढेर ३७ करोड १४ लाख ५३ हजार रुपैयाँ पुगेको जनाएको हो । अघिल्लो वर्षको यसैअवधिमा यसले ३१ करोड ४८ लाख १८ हजार रुपैयाँ खुद नाफा कमाएको थियो ।

एक वर्षको अवधिमा विद्युत् बिक्रीबाट हुने आम्दानी पनि बढेको छ । विद्युत् बिक्रीबाट हुने आम्दानी ५.५०% ले बढेर ५७ करोड ६५ लाख ७५ हजार रुपैयाँ पुगेको छ । यता अन्य स्रोतबाट हुने आम्दानी भने घटेको छ । गत वर्ष अन्य स्रोतबाट १ लाख रुपैयाँ आम्दानी गरेकोमा यो वर्ष ५१ हजार रुपैयाँ मात्रै आम्दानी गरेको छ ।

पुस मसान्तसम्म आउँदा प्रतिसेयर आम्दानी ८१ पैसाले बढेर १२ रुपैयाँ ०२ पैसा पुगेको छ भने प्रतिसेयर नेटवर्थ १२४ रुपैयाँ २५ पैसा छ ।