मोरङ । अनलाइनमार्फत ठगी गरेको आरोपमा एक जना पक्राउ परेका छन् । इलाका प्रहरी कार्यालय रंगेलीले सामाजिक सञ्जाल ह्वाट्स एप, इमो, फेसबुकको दुरूपयोग गरी चिठ्ठा परेको भन्दै ठगी गरेको आरोपमा रङ्गेली नगरपालिका-६ पिपलचोक घर भएका २० वर्षीय धिरेनकुमार मण्डललाई पक्राउ गरेको हो ।
उनलाई ठगी सम्बन्धी कसूरमा आवश्यक कारबाहीको महानगरीय प्रहरी परिसर काठमाडौंमा पठाइएको छ भने उनले पीडितहरुलाई विभिन्न सामाजिक सञ्जालमार्फत करिब २ लाख १ हजार ठगी गरेको प्रहरीले जनाएको छ ।
