काठमाडौं । प्रभु इन्स्योरेन्ससहित ३ कम्पनीको बोनस सेयरमा मूल्य समायोजन भएको छ । नेप्सेले प्रभु इन्स्योरेन्स, सिद्धार्थ इन्स्योरेन्स र आरम्भ चौतारी लघुवित्तको बोनस सेयरपछिको मूल्य समायोजन गरेको हो । तीन वटै कम्पनीले लाभांश तथा साधारणसभा प्रयोजनको लागि चैत १७ गते बिहिबार बुक क्लोज गरेका छन् ।

नेप्सेले सिद्धार्थको १५ प्रतिशत बोनस सेयर, प्रभु इन्स्योरेन्स ११ प्रतिशत बोनस सेयर र आरम्भ चौतारी लघुवित्तको १९.६२ प्रतिशत बोनस सेयरपछिको मूल्य समायोजन गरेको हो ।

यस्तै प्रभुको समायोजनपछिको मूल्य ७४३ रुपैयाँ २४ पैसा तोकिएको छ । सोहि मूल्यलाई आधार मानेर आइतबार बैंकको सेयर कारोबार खुल्नेछ । सिद्धार्थको समायोजनपछिको मूल्य नेप्सेले ८९१ रुपैयाँ ३० पैसा तोकेको छ । सोहि मूल्यलाई आधार मानेर आइतबार बैंकको सेयर कारोबार खुल्नेछ ।

नेप्सेले आरम्भ चौतारीको समायोजनपछिको मूल्य १ हजार ११६ रुपैयाँ ८६ पैसा तोकेको छ । यसको पनि सोहि मूल्यलाई आधार मानेर आइतबार बैंकको सेयर कारोबार खुल्नेछ ।