काठमाडौं । आइतबारबाट बन्द भएका सबै पेट्रोल पम्प खुल्ने भएको छ । पेट्रोल पम्प खुल्ने सम्बन्धि नेपाल आयल निगम र पेट्रोलियम व्यवसायीबीच ४ बुँदे सहमति भएसँगै पेट्रोल पम्प खुल्ने भएको हो । उक्त सहमतिसँगै आइतबार बिहान ८ बजेदेखि आयल निगमका सबै डिपो खुल्ने भएको निगमले जनाएको छ ।
। पेट्रोलियम व्यवसायीहरूको कमिसन सम्बन्धी र एलपी ग्यास ढुवानी भाडा समायोजन सम्बन्धी सात दिनभित्र निष्कर्ष निकाल्ने सहमति भएको छ । साथै पेट्रोलियम कारोबारसँग सम्बन्धित मागको सम्बन्धमा जेठ १५ सम्ममा सक्ने गरी सहमति भएको पनि निगमले जनाएको छ ।
शनिबार निगमको केन्द्रीय कार्यालय टेकुमा राष्ट्रिय पेट्रोलियम व्यवसाय संस्थागत समितिसँग छलफल भएको थियो । सहमति भएसँगै नेपाल पेट्रोलियम डिलर्स राष्ट्रिय एसोसिएसन, नेपाल एलपी ग्यास उद्योग संघ र नेपाल पेट्रोलियम ढुवानी व्यवसायीले सबै विरोधका कार्यक्रम स्थगत गरेका हुन् । पेट्रोलियम पदार्थको ढुवानीकर्ता व्यवसायीहरूले पेट्रोलियम पदार्थको मूल्यअनुसार ढुवानी खर्च समायोजन नगरेको भन्दै बिक्री वितरण रोक लगाएका थिए ।
