काठमाडौं । कुमारी बैंकले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । बैंकले यस त्रैमासमा १ अर्ब ८० करोड २७ लाख रुपैयाँ खुद नाफा आर्जन गरेको छ । जुन नाफा अघिल्लो वर्षको भन्दा ०.३२ प्रतिशतले कम हो । अघिल्लो वर्ष यसै अवधिमा बैंकले १ अर्ब ८० करोड ८४ लाख रुपैयाँ खुद नाफा आर्जन गरेको थियो
बैंकको यस त्रैमासमा वितरणयोग्य नाफा ११.४७ प्रतिशतले घटेर ८७ करोड १६ लाख रुपैयाँ पुगेको छ । बैंकको खुद ब्याज आम्दानी १५.६२ प्रतिशतले वृद्धि हुँदा सञ्चालन नाफा ०.७७ प्रतिशतले घटेको छ ।
यस्तै बैंकको निक्षेप संकलन १३.४२ प्रतिशत र कर्जा लगानी १३.०८ प्रतिशतले वृद्धि भएको छ । प्रतिसेयर आम्दानी १६ रुपैयाँ ३४ पैसा रहेको बैंकको प्रतिसेयर नेटवर्थ १३७ रुपैयाँ ६५ पैसा रहेको छ ।
