काठमाडौं । सपोर्ट लघुवित्त वित्तीय संस्थाले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले यस त्रैमासमा १ करोड १० लाख ८४ हजार रुपैयाँ खुद नाफा आर्जन गरेको छ । जुन नाफा अघिल्लो वर्षको तुलनामा ४७.९१ पतिशतले कम हो । अघिल्लो वर्षको यसै अवधिमा कम्पनीले २ करोड १२ लाख ७८ हजार रुपैयाँ खुद नाफा आर्जन गरेको थियो ।
यस्तै कम्पनीको खुद ब्याज आम्दानी ६.२९ प्रतिशतले घट्दा सञ्चालन नाफा पनि ४७.९१ प्रतिशतले घटेको छ । कम्पनीको चुक्ता पुँजी ३० प्रतिशतले बढेको छ । यस्तै कम्पनीको प्रतिसेयर आम्दानी १७ रुपैयाँ १३ पैसा रहेको छ प्रतिसेयर नेटवर्थ १४८ रुपैयाँ १४ पैसा रहेको छ ।
