काठमाडौं। नेपाल टेलिकमले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । कम्पनीले यस त्रैमासमा ५ अर्ब ४३ करोड ५३ लाख रुपैयाँ खुद नाफा आर्जन गरेको छ। जुन खुद नाफा अघिल्लो बर्षको तुलनामा ७.६३ प्रतिशतले थोरै हो । गत वर्ष कम्पनीले ५ अर्ब ८८ करोड रुपैयाँ नाफा आर्जन गरेको थियो।
यस्तै कम्पनीले सेवा व्यापारबाट २८ अर्ब २१ करोड रुपैयाँ आर्जन गरेको छ । कम्पनीको अन्य श्रोतबाट हुने आम्दानी पनि ४ अर्ब २२ करोड रुपैयाँबाट बढेर ४ अर्ब ३१ करोड रुपैयाँ कायम भएको छ । यस्तै कम्पनीको चुक्ता पुँजी १८ अर्ब रुपैयाँ रहेको छ र टेलिकमको रिजर्भ कोषमा ७४ अर्ब ११ करोड रुपैयाँ रहेको छ । कम्पनीको प्रतिसेयर आम्दानी पनि ५२ रुपैयाँ ३१ पैसाबाट घटेर ४० रुपैयाँ २६ पैसामा पुगेको छ र कम्पनीको प्रतिसेयर नेटवर्थ ५११ रुपैयाँ ७७ पैसा रहेको छ ।
