काठमाडौं । प्रिमियर इन्स्योरेन्सले वित्तीय विवरण सार्वजनिक गरेको छ । कम्पनीले चालु आर्थिक वर्षको तेस्रो त्रैमाससम्म आइपुग्दाको वित्तीय विवरण सार्वजनिक गरेको हो । कम्पनीले यस त्रैमासमा २५ करोड ४२ लाख ४५ हजर रुपैयाँ खुद नाफा आर्जन गरेको छ । जुन खुद नाफा अघिल्लो वर्षको तुलनामा १२.२१ प्रतिशतले कम हो ।
कम्पनीको खुद बिमा शुल्क आम्दानी ५.४६ प्रतिशतले बढेको छ भने लगानी तथा अन्य आम्दानी २९.८८ प्रतिशतले घटेर ११ करोड ५ लाख ७७ हजार रुपैयाँ रहेको छ । यस्तै कम्पनीको चुक्ता पुँजी १ अर्ब २२ करोड ७६ लाख रुपैयाँ पुगेको छ र रिजर्भ कोष र बिमा कोषमा पनि सुधार भएको छ । कम्पनीको प्रतिसेयर आम्दानी २७ रुपैयाँ ६१ पैसा र प्रतिसेयर नेटवर्थ २१२ रुपैयाँ ३५ पैसा रहेको छ ।
