काठमाडौं । प्रकाश तिवारी स्याङजा जिल्ला अर्जुनचौपारी गाउँपालिकाको अध्यक्ष पदमा विजयी भएका छन् । उनी सेयर बजारका राम्रा विश्लेषक हुन् । उनी आफ्ना प्रतिद्धन्द्धी नेकपा एमालेका चिनमाया गुरुङ भन्दा दोब्बर मत ल्याएर विजयी भएका हुन् ।

उनले भारतको गुरु नानकदेव विश्वविद्यालयबाट एमबीए गरेका तिवारीले सेयर बजारमा पहिलो लगानी हाथवे कम्पनीमा गरेका थिए । ३० वर्ष नपुग्दै उनी पाँच तारे होटल र्याडिसनको सर्वसाधारण सेयरधनीको तर्फबाट सञ्चालकसमेत बनेका थिए ।

गाउँपालिका अन्तर्गत हुने विद्यालय र स्वास्थ्य चौकी जनताले महशुस गर्ने गरेर सुधार्ने लक्ष्य तिवारीले लिएको छ । सेयर बजारमा ब्लुचिप कम्पनीमा लगानी गरेर मनग्गे प्रतिफल लिन सफल भएका तिवारी अर्जुनचौपारी गाउँपालिकालाई आफ्नो कार्यकालमा ब्लुचिप कम्पनी जस्तै समृद्ध बनाउने लक्ष्य पनि तिवारीको छ ।