काठमाडौं । नेपाल स्टक एक्सचेन्ज (नेप्से)मा आदर्श लघुवित्त वित्तीय संस्थाको साधारण सेयर सूचीकृत भएको छ । कम्पनीको २ लाख ७ हजार कित्ता सेयर नेप्सेमा सूचीकृत भएको हो । कम्पनीले सर्वसाधरणलाई निष्काशन गरेको ६७ हजार कित्ता र संस्थापकहरुले लगानी गरेको १ लाख ४० हजार कित्ता गरी सो बराबरको सेयर नेप्सेमा सूचीकृत भएको हो ।
नेप्सेले कम्पनीको सेयरलाई न्युनतम १२२ रुपैयाँ ८८ पैसा देखि अधिकतम ३६८ रुपैयाँ ६४ पैसा ओपनिङ रेन्ज प्रदान गरेको छ । उक्त ओपनिङ रेन्जको आधारमा मंगलबार देखि कम्पनीको सेयर कारोबारमा आउनेछ । कम्पनीको सेयरलाई नेप्सेले एडीएलबी कारोबार संकेत प्रदान गरेको छ । उक्त कारोबार संकेतमा कम्पनीको सेयर कारोबार हुनेछ ।
