काठमाडौं । मेगा बैंक लिमिटेडले गत आर्थिक बर्षमा ३ अर्व ८३ करोड नाफा कमाएको छ । बैंकले सार्वजनिक गरेको वित्तीय विवरण अनुसार बैंकले अघिल्लो बर्षको तुलनामा नाफा बढाएर २ अर्व ८३ करोड नाफा कमाएको हो । अघिल्लो वर्ष बैंकको नाफा २ अर्ब ४३ करोड रहेको थियो ।
बैंकको वितरणयोग्य नाफा १ अर्ब ६३ करोड गरेको जनाएको छ । यसबाट बैंकको लाभांश क्षमता १० प्रतिशत हुन आउँछ । सार्वजनिक भएको विवरण अनुसार बैंकको असार मसान्तसम्मको निक्षेप १ खर्ब ५३ अर्ब छ । यस्तै बैंकको कर्जा १ खर्ब ४७ अर्ब रहेको विवरणमा उल्लेख छ । अघिल्लो वर्ष असार मसान्तसम्ममा बैंकको निक्षेप १ खर्ब ३६ अर्ब थियो भने कर्जा १ खर्ब ३६ अर्ब कर्जा थियो ।
बैंकको खराब कर्जा अनुपात ०.७४ प्रतिशत रहेको छ भने कर्जा निक्षेप अनुपात ८९.०५ प्रतिशत छ । बैंकको प्रतिसेयर आम्दानी १७.५७ रुपैयाँ छ भने बेसरेट १०.०१ प्रतिशत छ । यता बैंकको स्प्रेडदर भने ४.३६ प्रतिशत छ ।
